首頁 > 愛情五四三 > 生活點滴 > 全年,森氣勃勃…
個人訂閱  |   停止訂閱  |   功能說明
本版規則:
‧不管是開心還是難過,都來這裡寫就對啦~
‧請尊重別人發洩心情的權利,勿筆戰
‧廣告文勿入,禁止一文多貼,或類似主題重複發文。違者砍文。

[生活記事]全年,森氣勃勃…

森源 (sumyuen)
積分 : 0
回應數:0 / 瀏覽數:505
2015-03-23 15:00:13 發表
1

時間日子過得好快,三月又去到月尾可能自己屬於老一輩的長者啦!唔係太習慣用手機睇時間日期點都要有個鐘、有個錶來睇下時間,至於日子都最好有張全年月曆紙,可以睇睇什麼時候做什麼事情之前想要一張日曆卡都感到好難搵,記得以前銀行都會在年尾派下月曆卡,到今時今刻好似又少了派卡,可能銀行認為現在冇呢個需要,因為一切都可以在手機睇到但我認為座檯日曆點都要有個,方便睇吓日子、節日、假期等等都係需要嘅!

記得以前無無謂謂都有收藏每年的日曆卡之不過儲儲吓發現近呢幾年冇乜,所以都停了再儲~不過世事總會自有安排,一係就冇,一有就大把

今年在公司收到一盒月曆冇聽錯,唔係一盒月餅,係一盒月曆何解呢?!原來呢盒係一個種植包內裡除咗有個全年月曆外,仲見到有種籽(小麥)、有泥、有個盆又幾好玩喎!況且森伯都有養開植物,多盆亦唔算多,一於試吓種種~

其實個構思又幾有含意,象徵一年裡都生氣勃勃,睇住植物的生長,你就變得好在意時間日子的溜去之不過植物(小麥草)生長的速度,仲快過我做嘢的速度……XXXXD不過不屑幾日就已經“亭亭玉立”lu…唔該生產商下次搵啲長得慢少少的植物得唔得呢?!!哈哈哈

做人總會心多多,每年的年頭總係有好多計劃想做,想實現但可以全情投入去做又夠唔夠時間呢?!只怕到年紀老邁時,竟然一樣事情都沒有成就過近排搵到一句說話講得幾好,佢話係哈佛名言:Thought is already is late, exactly is the earliest time. 覺得為時已晚的時候,正是最早的時候。”或者冇分時候遲定早,總之當下的時間就係最佳的開始時間!


回個人新聞台看更多好文
共1頁
1
瀏覽方式:
上一個話題 下一個話題 友善列印轉寄 字級 :